ఊహించలేనయ్యా వివరించలేనయ్యా – ఎనలేని నీ ప్రేమను (2)
నా జీవితాంతం ఆ ప్రేమలోనే (2)
తరియించు వరమే దొరికెను (2)
1. నా మనసు వేదనలో – నాకున్న శోధనలో – ఉల్లాసమే పంచెను
ఓ మధుర భావనలో – తుదిలేని లాలనలో
మధురామృతమునే నింపెను (2)
అనాధైన నను వెదకెను ప్రధానులతో ఉంచెను (2) ఓ..ఓ..ఓ..ఓ..
2. నీ మరణ వేదనలో – నీ సిలువ శోధనలు – నీ ప్రేమ రుజువై నిలిచెను
వెలలేని త్యాగముతో – అనురాగ బోధలతో
నా హృదయమే కరిగెను (2)
ఇది నీ ప్రేమకే సాధ్యము –
వివరించుట నాకసాధ్యము (2) ఓ..ఓ..ఓ..ఓ
